FANDOM


Se di wikì ʒivan?

Dod de ruʒivad ov ken skrivì Mardihuràn kwer jari for, sì di wikì verim ʒivan? I kre te je se priʒe u moren-ʒivan. Ste je novi artikle, usim spam? Ste je novi membore? Vid de gramatik id de vordar prodaten? De ruvoke a di prage se ne. Ka serv u wikì ke se u zombì?

Silvàn, 10i November 2018


De ruʒivad

Pos maj tri jare, de wikia av ruopren ! I se de novi administror, id i sper te de Uropi komunad av agrenen sia satim po struo eniwa bunes te de veti wikia.

I se vartan va.

Mardihuràn, 16i December 2014

De fend

Nekun uz de wikì, nekun nud de wikì. De alten uropiste prigùs kovoko intra sia id garo de kontròl su de linga. I men te Uropi, obte je se u bun linga, nevos mozo vido u latim voken linga, par ji autor vol ne perlaso siu jegèl. Samàj pej!

Daske a deze we kreì in di projèt. I se dolan.

Silvàn, 24i Mars 2011


Di wikia in perji ?

Par de mank kovarkadi od de alten mimbori de Uropi komunadi in di Wikia, obte de idea kreato un wikia avì viden acepen pa tale pos u longi kovokad, i seriosim men pru stopo tal vark in di wikia id oʒe dideto wa i av deten tis num. U wikia doʒ se de kid u komunadi, ne un uni personi.


Midwàn, i av kreato u duj forum, un eldi kovokia.

Silvàn, 17i Mars 2011



Wikia restrukturen

I av restrukturen de wikia slogan de probàs. Ite vizo be de paʒ Struktùr de wikiu.

Silvàn, 1i Mars 2011


Dusunti artikel !

Ki de fend de wikizadi de Franci kursi Vokem Uropi venì de 200i paʒ di wikiu. Num je ve doʒo greso ki verim novi intèn, id i sper te i v'ne so de solen koinperor...

Silvàn, 8i Febrar 2011


Probàs u stuktur

Lise mi probàs po strukturo de wikia.

Silvàn, 2j Febrar 2011


Sunti artikel !

De pauz durì ne longim: i mozì varko ov de indutadi paʒe, ov de kurso Vokem Uropi id, odia, i mozì kopijo de artikle de Etimologic Vordari we stì in de beprù kluzen Google Pages. Sim nu av kreaten ni sunti artikel, ki nom «Fraj - dictionnaire étymologique». I pur sper te je ve sto in de futùr artikle verim skriven po de wikia, id ne solem kopije.

Silvàn, 16i Janvar 2011ʒ


Halt in de progrès

I doʒ tratemim halto de proìt de wikì par i av nun novi materiàl po seto in ja... obte je ste in vari stas mol materiàl ov Uropi id te de tel di wikì se davo a Uropi u sta po slim asamo tal di materiàl.

Felic Novi Jar a tale.

Silvàn, 6i Janvar 2011


Forum i.s.p.

I av mol varken proban kreato u forum po di wikì, id de rezultad prij ne mo. Je ste u problèm ki de progràm. Alten mozlid sev uzo de «Community Portal», da se u o eke normal artiklic paʒe wim kovokia. Alten wikìs akt sim. I av os vizen forume we asèm normal paʒe: da mozev so maj lezi. Bemìn po ma. Obvizim, un moz talvos uzo de parte artiklis po komente wim temu kovokias.

Silvàn, 29i December 2010


Glaj Krisgèn!

De wikì av bun progresen: je av ʒa 25 paʒe, kategorije, usklarade ov ji funsionad id eke novi modele, skriven in Uropi. Je se jok u beb, ba je av siurim u bel futùr. I ve pauzo eke dias po Krisgèn. Tis pru! Silvàn, 23j December 2010.

Community content is available under CC-BY-SA unless otherwise noted.